Юбилей Батраза Фарниева!

« Назад

Юбилей Батраза Фарниева! 09.01.2022 09:00

«Амыран» - йæ зæрдæйы

Æрыгонæй йæ кур­диат раргом, адæм æй уарзынц æмæ йын кад кæнынц", - ахæм ныхæсты аккаг суæвæг лæппу кæнæ чызг амондджын у. Иæ зонд, йæ хъару, йæ ныфсы руаджы свæййы Æн­тыстджын, æмгæртты 'хсæн нымад, æгъдауыл хæст адæймаг.

Ацы хъуыдытæ æххæстæй хауынц РЦИ-Аланийы Фæсивæ­ды, физкультурæ æмæ спорты хъуыддæгты фæдыл министрады цур кусæг фæсивæдон студи "Амыран"-ы актер Фæрниаты Батрадзмæ.

Лæппу, искæд сценæмæ ра­цæудзæн, уый æнхъæл нæ уыд, `стæй уымæ нæ тырныдта. Ахуыр кæнынмæ бацыд Хæххон пад­дзахадон аграрон университеты агрономон факультетмæ. Гуыргæ Уæллаг Фыййагдоны ракодта, цæргæ та Сунжæйы кæны æмæ хъæуккаг цардыуаг йæ зæрдæмæ цыд. Фæлæ йæ "Амыран" йæхимæ "фæхуыдта", сфæлдыстадон тæ.мæн сцырен кодта, ныр те­атр, сценæ Батрадзы царды сæр­магонд бынат бацахстой.

Иæ фыццаг къахдзæфтæ акодта "Студентты уалдзæджы". Профессионалон артист нæ уæв­гæйæ, цыбыр рæстæгмæ аив сценикон фæлгонцтæ нывæндын­мæ арæхсын райдыдта. Цыбыр сценкæты архайыны зындзинад уый мидæг ис, æмæ геройы æп­пæт миниуджытæ равдисын къухы зынтæй бафты. Фæлæ Батрадзы фæлгонцтæ æнæарыгондæй ни­куы баззайынц. Уый нæ, фæлæ студимæ арæх æрбацæуынц ахæм фарстаимæ: "Батрадз кон­церты архайдзæн?". Интермеди­тæ "Гитлер капут"-ы партизан, "Хинæйдзаг экзамен"-ы доцент, "Хъæргæнджытæ"-йы Кæсæби, спектакль "Фыдджын æви гам­бургер"-ы Знауыр æмæ иннæ фæлгонцтæ аивадуарзджыты зæрдæскъæфт фæкодтой.

"Сце­нæйыл куыд архайы, афтæ арæхстджын у царды мидæг дæр. Хæларзæрдæ, куыстуарзаг, бæр­нон, æнæзивæг... Ææ ролтæ би­рæ æмæ зын `сты. Хæдахуыр ар­тистæн нымад минуттæм йæ дзаумæттæ фæивын дæр кæуыл­ты хъуыддаг у, фæлæ йæ концер­ты рæстæг тыхстæй нæ фендзы­нæ, афтæ хорз зоны йæ куыст. Уæдæ ныхас загьта, уæд æй нæ æсайдзæн, уый дæр 2000 азæй нырмæ зонæм ("Амыран"-мæ уы­цы аз æрбацыд). Гъемæ иу уæлахизæй иннæмæ цæуæд, Хуыцауы хорздзинæдтæй хай­джын уæд!" - загъта студийы ак­тер Гозымты Руслан...

Йæ архайды тыххæй лæппу райста бирæ грамотæтæ, сси Республикæ Хуссар Ирыстоны сгуыхт артист. Фæлæ нæ уырны: йæ сæйраг уæлахизтæ нырма ра­зæй `сты, æмæ сæм хорз фæн­дæгтыл цæуæд, æнтыстытыл цин кæныны æмæ зындзинæдты сæр­ты хизыны хьару йæм уæд!

 

Тъехты Тамерлан

"Рæстдзинад"

 


Новости
28.11.22

28 ноября родился Зиновий Моисеевич Высоковский (1932-2009) - советский и российский актёр театра, кино и эстрады, народный артист РФ, заслуженный деятель культуры Польши

28.11.22

28 ноября родилась Галина Григорьевна Новожилова (1922-2021) - советская и российская актриса театра и кино, радиоведущая, заслуженная артистка РСФСР

27.11.22

27 ноября отмечает юбилей Анна Анатольевна Дубровская (1972) - российская актриса, заслуженная артистка РФ, лауреат театральных премий «Чайка»  и «Триумф»

27.11.22

27 ноября отмечает юбилей Григорий Бенционович Остер (1947) - русский писатель, драматург; заслуженный деятель искусств РФ, лауреат Государственной премии РФ

23.11.22

23 ноября родился Анатолий Михайлович Адоскин (1927-2019) - советский и российский актёр театра и кино, народный артист РФ