"Амыран" в СМИ

« Назад

ГТРК - Ног къуырийы нæ республикæйы райдайдзæн театралон къордты фестиваль «Амыраны рухс»  10.03.2017 12:00

Ног къуырийы нæ республикæйы райдайдзæн театралон къордты фестиваль

«Амыраны рухс»

 

Ссылка на видео:

http://alaniatv.ru/habaerta/vesti-iryston/?id=22678

 

Ног къуырийы нæ республикæйы райдайдзæн театралон къордты фестиваль «Амыраны рухс». Йæ саразыныл бацархайдтой фæсивæды хъуыддæгты фæдыл комитет æмæ фæсивæдон театр «Амыран». Фестивальмæ сæхи цæттæ кæнынц æппæт районтæ дæр. Фыццаг къæпхæны сæ курдиат раргом кæндзысты театралон студиты æмæ культурæйы галуанты минæвæрттæ. Йæхи хуыздæр чи равдиса, уыдон та архайдзысты фестивалы республикон къæпхæны. Æхсызгон уый у, æмæ æппæт театралон равдыстытæ дæр хъуамæ уой ирон æвзагыл. 

Театралон студи «Бонвæрнон»-ы къорды сывæллæттæ архайынц сæ миддунейы æнкъарæнтæ театрдзаутæм бахæццæ кæныныл. Ацы аивады хуыз сын у ног. Ныронг спектакльты никуы архайдтой. Фæлæ ныр сæхи цæттæ кæнынц театралон фестивальмæ. Ирон æвзагыл равдисдзысты 2 спектаклы. Се ппæт дæр тырнынц уæлахизмæ.

Æлдаттаты Алымбег, театралон студи «Бонвæрнон»-ы архайæг: «Хъазæм сценкæ уызын йæхицæн мад куыд агуырдта, уый. Æз хъазын бирæгъ, дзæбæх роль у, худæг. Мæ зæрдæмæ тынг цæуы, æз никуыма хъазыдтæн».

Ацы сывæллæттæ театралон аивады сты фæлтæрдджын. Студи «Азбука актера» равзæрд 6 азы размæ. Сывæллæттæ сæ курдиат æвдисынц рæвдауæндæтты æмæ районты алыхуызон мадзæлтты. Фестивальмæ сæхи цæттæ кæнынц разæнгардæй.

Боциты Альбинæ, театралон студи «Азбука актера»-йы разамонæг: «Райдианты æрмæст уырыссаг æвзагыл æвæрдтам спектакльтæ, 1æмæ 2-æм къласы. Стæй 3-æм къласмæ куы бацыдысты уæд æвæрын райдыдтам ирон æвзагыл дæр. Æмæ сæм нæ фæкастис зын, уымæн æмæ хъæуыккаг сывæллæтæ сты æмæ нæ тыхстысты. Æнцонæй архайдтой». 

Сывæллæтты æмæ фæсивæдон национ театралон студиты фестиваль арæзт цæуы фæсивæды хъуыддæгты фæдыл комитеты æмæ фæсивæдон театр «Амыран»-ы хъæппæрисæй. Фестивалы домæнтæй иу у, цы спектакльтæ æмæ театралон скъуыдздзæгтæ равдисдзысты, уыдон хъуамæ æнæмæнг уой ирон æвзагыл.

Гозымты Руслан, фæсивæдон театр «Амыран»-ы артист: «Уымæнæй æрхъуыды кодтам æмæ арæзтам, цæмæй нæ сывæллæттæ канд иронау дзурой, уый тыххæй нæ, фæлæ гыццыл скъолайы кæй ахуыр кæнынц уымæй гыццыл арфдæр базоной ирон драматургийæ, базоной ирон театр цы у, уый. Фыццаджыдæр уый уыд махæн нæ хæс».

Фестивалы фыццаг къæпхæн ацæудзæн районты, райдайдзæн ног къуырийы. Уæлахиздзаутæ та архайдзысты республикон кæронбæттæн къæпхæны.

Моргуаты Ладæ



Новости
23.04.21

23 апреля родился Уильям Шекспир (1564-1616) - величайший драматург мира

18.04.21

18 апреля празднует Юбилей (90 лет!) Нина Ивановна Гуляева - советская и российская актриса; народная артистка РСФСР, лауреат Государственной премии РСФСР им. К. С. Станиславского

18.04.21

18 апреля родился Ласло Немет (1901-1975) - венгерский прозаик, драматург, публицист, критик.

16.04.21

16 апреля празднует Юбилей Сергей Петрович Никоненко - советский и российский актёр, кинорежиссёр, сценарист; народный артист РСФСР, Лауреат премии Ленинского комсомола

16.04.21

16 апреля родился сэр Питер Александер Устинов (1921-2004) - британский актёр театра и кино, кинорежиссёр, постановщик опер и драматических спектаклей, драматург, сценарист, писатель, газетный и журнальный колумнист, теле- и радиоведущий, продюсер, лауреат премий «Оскар», «Эмми», «Грэмми», BAFTA, командор ордена Британской империи, рыцарь-бакалавр